1. Tjaldsvæðið á Hjalla er rekið af CJA [150769-5079] sem ber ábyrgð á afhendingu þjónustunar sem keypt er. Öll verð eru birt með VSK.
2. Gestur tjaldsvæðis þarf að vera með kvittun útprentaða eða vistaða í snjallsíma, sýna við komu og geta birt tjaldstæðavörðum við eftirlit á svæðinu. Óheimilt er að framselja bókað stæði.
- Sá gestur sem greiðir fyrirfram á netinu gefst kostur á að afbóka sig allt að 48 tímum fyrir bókaða dagsetningu og fá greidda upphæð að frádregnu 500 kr. skráningargjaldi endurgreitt.
- Ef dvöl er stytt fæst 50% endurgreiðsla fyrir þær nætur sem ekki eru nýttar. Ef dvöl styttist eftir kl. 15, dregst ein nótt frá heildar endurgreiðslu.
3. Gestir tjaldsvæðis geta komið sér fyrir milli kl. 15 og 23 á svæðinu. Gestir sem koma eftir það mega eiga von á því að þeim verði synjað um að koma sér fyrir. Eigandi CJA getur gefið heimild til að tjalda á öðrum tímum. Hver klst. fyrir kl. 15 eða eftir kl. 23 kostar 400 kr á svæði/bás og greiðist á staðnum.
4. Gestir þurfa að vera búnir að yfirgefa tjaldsvæðið fyrir kl. 13 á brottfarardegi. Eigandi getur gefið heimild til að seinka brottför til allt að 17 og kostar þá hver klst. 400 kr. á svæði/bás og greiðist á staðnum.
5. Hámarkshraði ökutækja inn á tjaldsvæðaflötum er 25 km/klst.
- Akstur inn á, innan og út af tjaldsvæðaflöt takmarkast við eina ferð á dag.
- Öll umferð ökutækja innan tjaldsvæðið er óheimil frá miðnætti og fram til klukkan sjö árdegis.
6. Gestum er skylt að ganga vel um náttúruna á tjaldstæðinu og í nágrenni.
- Þess er vænst að allt rusl sem hægt er að endurvinna sé skolað, flokkað og skilað í söfnunarílát við þjónustuhúsnæði. Engu rusli má henda á víðavangi.
7. Óheimilt er að kveikja opinn eld.
- Gestum er skylt að gæta þess að engin hætta stafi af eldunartækjum þeirra, prímusum og grillum, né valdi þau skaða á gróðri. Eingöngu má nota einnota grill á malarplani.
8. Gestum skulu leggja sig fram um að valda öðrum ekki ónæði á nokkurn hátt. Á Hjalla er auk tjaldsvæðisins rekið heimili og gistiheimili og þess er vænst að gestir virði ytri mörk tjaldstæðisins og friðhelgi heimilanna. Kyrrð skal án undantekninga ríkja frá miðnætti til morguns.
9. Ólögráða einstaklingar geta eingöngu dvalið á tjaldstæðinu í fylgd með forráðamanni sem jafnframt ber ábyrgð á viðkomandi í því umhverfi sem er í næsta nágrenni við tjaldstæðið og þeim hættum sem þar kunna að leynast.
10. Það er stranglega bannað að losa skolvatn eða úr ferðaklósettum annars staðar en í þar til gerða skolplögn við þjónustuhús. Brot á þessu varða fjársekt upp á 150.000 kr.
- Gestir sem ekki virða þessar almennu reglur tjaldsvæðisins kunna að verða látnir yfirgefa tjaldsvæðið tafarlaust geri þeir ekki umsvifalaust breytingu á umgengni sinni eftir ábendingar starfsfólks þar um.
- Skilmálar þessir lúta íslenskum lögum. Ef eitthvert ákvæði skilmála þessara verður dæmt ógilt, ólöglegt eða óhæft til fullnustu, dregur það ekki á neinn hátt úr gildi, lögmæti eða fullnustuhæfi annarra ákvæða skilmálanna.
- Rísi mál út af skilmálum þessum skal það rekið fyrir Héraðsdómi Norðurlands eystra
